Навагодні серпанцін
29 снежня прайшло свята Елкі і Зімы ў дзіцячым садку. 30 снежня вучні 1-5 класаў і іх бацькі прынялі ўдзел у тэатралізаваным прадстаўленні “Да нас Новы Год з сакрэтным прадпісаннем”. Навагодні серпанцін “На прыз Новага Года” быў арганізаваны для вучняў 6-11 класаў.
Напярэдадні навагодніх святаў ва ўстанове прайшла дэкада афармлення школьнага інтэр’еру і класных кабінетаў. 11 класных кабінетаў, вестыбюль школы, спартыўная зала былі ўпрыгожаны выцінанкамі і кампазіцыямі на фларыстычнай аснове. У дзіцячым садку прайшло свята Елкі і Зімы з удзелам казачных персанажаў. Выхавацелі і работнікі ясляў-сада прадставілі ўдзельнікам і гледачам яркае, творчае навагодняе відовішча. Вучні 1-5 класаў і іх бацькі прынялі ўдзел у тэатралізаваным прадстаўленні “Да нас Новы Год з сакрэтным прадпісаннем” з удзелам педагогаў установы. Навагодні серпанцін “На прыз Новага Года” быў арганізаваны для вучняў 6-11 класаў прадстаўнікамі культурна-масавай камісіі школьнага парламента. Навагоднія мініяцюры, шаржы, гульні згуртавалі ўдзельнікаў мерапрыемстваў.