26.08.2017 Абласны фестываль рэгіянальнага фальклору «Панямоння жыватворныя крыніцы»
Творчыя фальклорныя калектывы і асобныя выканаўцы Гродненшчыны 26 жніўня ўдзельнічалі ў фінальным этапе абласнога фестывалю рэгіянальнага фальклору «Панямоння жыватворныя крыніцы». Прагляд фальклорных праграм калектываў праходзіў на шлюзе «Дамброўка» падчас правядзення фестывалю «Аўгустоўскі канал у культуры трох народаў».<o:p></o:p>
Абласны фестываль рэгіянальнага фальклору «Панямоння жыватворныя крыніцы» праводзіцца з мэтай захавання, развіцця і прапаганды традыцыйнай народнай творчасці Гро-дзеншчыны, далучэння дзяцей, падлеткаў, моладзі да гісторыка-культурнай спадчыны сваёй краіны, выяўлення самабытных носьбітаў беларускага фальклору, папулярызацыі іх творчасці, пашырэння межаў іх дзейнасці. Як вынік – пры падрыхтоўцы да фестывалю расце цікавасць і павышаецца ўвага да вывучэння мясцовых нацыянальных традыцый, гульнявога, песенна-танцавальнага жанраў і абрадавай спадчыны роднага краю.
Абласны фестываль рэгіянальнага фальклору «Панямоння жыватворныя крыніцы» ахоплівае ўсю Гродзенскую вобласць. На ім дэманструюцца дасягненні рэгіянальнай фальклорнай творчасці як кожнага раёна, так і асобных вёсак Гродзеншчыны. Фестываль праходзіць у тры туры: I тур – раённыя адборачныя агляды; II тур – рэгіянальные агляды, ІII тур – фінал. Фальклорная праграма узорнага фальклорнага гурта “Нальшчаначка” складалася з аўтэнтычнай песні “А ў полі сосна”, якую выконвала вакальная дзявочая група, песні “Мая матуля”, якую выканала Яна Букліс, гульні “Курнаціца”, у якой ўдзельнічалі ўсе дзеці, гуртавы танец “Па-старыннаму”. Выступленне нашых прадстаўнікоў выклікала станоўчы водгук у гледачоў і членаў журы.
Як вынік дыплом лаўрэата 1 ступені ( намінацыя “дзіцячы фальклорны ансамбль”), дыплом лаўрэата 1 ступені ( намінацыя “фальклорны танцавальны калектыў” (побытавыя танцы)), дыплом за дзейсную папулярызацыю абрадавых і святочных традыцый.